انت في اوضتك..... علي السرير ومطفي النور ومتغطي
يجي اخوك الصغير ويفتح البا عليك ويقول:ايه ده انت هتنام ولا ايه؟
(اظن ده مش وضع الرقص يعنى !!!واضح انى هنام!!!)
انتم معزومين عند ناس وروحتو لبيتهم واول ما فتحو الباب يقول ابنهم الصغير:ايه ده انتو جيتواااااااااااا؟
(لا لسه!!!)
والعكس انت لابس هدومك ومتانتك وعلى سنجه عشره وريحه البارفان واصله لاخر الشارع.......
وخلاص بتفتح باب الشقه وخارج.......يجي حد من اهلك ويقلك :انت خارج ولا ايييييييييييييييه؟
(لا ده انا لسه راجع!!!!)
او مثلا انت راكب العربيه ودورتها وخلاص هتطلع....يجيلك البواب ويخبط عل الزجاج .........
ويقلك:انت رايح الشغل يا بيه؟
(لا ..........العربيه وحشانى)
مثلا ماسك الكتاب وربنا هديك وقاعد تحفظ ومتحمس اوي(اول مره بقا)......يجي حد ويقولك:هاه ...قاعد تذاكر؟
(تقوم رامي الكتاب وتقوله لااااااااااااااااااء بتفرج عليه)
ونيجي بقه لاسئله التلفزيون الظريفه موت
ف اول يوم العيد
المذيع: نتعرف بيك هههههههههههههههه
المتصل : فلان الفلانى
المذيع : تقول ايه لقرايبك ههههههههه واصحابك ههههههوالناس الل ي بتحبهم ههههههههه في المناتسبه ديه؟
المتصل:اكيد كل عام وانتم بخير
( اكيد يعني مش هيقولهم البقاء لله)
والاسخف بقه ....لما الست الكتكوته المذيعه تكلم الاطفال
تقول المذيعه للعيل: ويا تري بتحب ماما وبابا
(واكيد ان الطفل لسه ما طلعلوش عرق النداله علشان يقول لا)
وادينا عايشين............
